Manasik Rog : Bhay, chinta, ghabarahat, mansik uttejana aadi ; मानसिक रोग, भय, चिन्ता, घबराहट आदि आदि

Posted by: prakruti on: अगस्त 19, 2008

• In: आयुर्वेद
• Comment!

Mansik rog  yani man ke rog, inhe psychological Bimari Bhi kahatey hai, jinako ho jati hai ve sab bahut vahami kism ke log ho jate hain, aise rogiyon ke ilaj mein savadhani kuchch jyada hi varatani chahiye.

Mansik rog hote kyon hain ? isake bahut se karan hain, chunki yah takalif mano Bhavon se judi hai, aur man hamesha kuchch na kuchch socha vichara karata hai, yah achcha bhi sochata hai aur kharab bhi sochata hai, isaliye jab yah  achcha sochata hai to man prasanna ho jata hai aur vyakti chinta aadi se mukta rahata hai, isiliye kaha gaya hai ki man ko hamesha prasanna chitta banaye rakhana chahiye, isase dukh dard door rahatey hai.

Lekin jab man mein koi takalif hoti hai to yah apana expression Anxiety, Bhay yani fear, Ghabarahat, atma hatya ki pravratti, marityu bhay, marane ka dar aadi aadi manasik vikratiyan ke rup me sare expressions paida ho jate hain,

In sabake liye , mere vichar se , kai baatey jimmedar hoti hain,

1- Parivarik stithi, kuchch log parivarik samasyaon se ghire hote hain, ye samasyayein kuchch bhi ho sakati hain, in samasyayon ki vajah se log manasik tanav ka shikar ho jate hain, man ke andar ve ghutatey rahatey hai aur in sabaka expression kisi bhi manasik rog ke swaroop mein badal jata hai

2- Arthik sankat, yah bhi ek karan hota hai, ghaarahat, anxiety , mrityu bhay sanakana , kar kuch rahe hai aur kah kuch rahe hai, bhagam bhag ka aalam, isame log sochatey hain ki unaka ghar kaise chalega, kya hoga aadi bhavishya ki ashanka se ghire rahatey hain

3- Bacchon ki shadi se samandhit, ya bachche na paida hone ki stithi aadi mein mahilayein manasik rog ki chapet mein aa jati hain

4- Purushon ko Bhi  manasik rog ho jatey hain, unamein bhi mrityu Bhaya, atmahatya ki pravaratti ya isi prakar ke vichar ya soch hoti hai,

5- Kishor ya jawan umra ke logon mein manasik rog isi prakar ke paye jatey hain

Haqiqat mein dekha ya samajhaa jay to yahi nishkarsh nikalegaa ki , manasik rogi ko koi rog hi nahin hota, yah usaki soch aur us soch ko Bar Bar repeat karane ke karan man mein ek is prakar ki ganth bana leta hai, ki jaise hi usake vichar us star tak aate hain, usako mansik takalif hone lagati hai, jo jyada dimagi kaam kar rahe hain, jinaka mastishka bahut jaldi kaam karane se thakata hai, jo jyada mansik shram karatey hain aur mansik vishram nahin karatey hain unako yah taklif bahut satati hai, isaliye manasik rogi ko jitana vishram mansik aur sharirik ho sake karana chahiye, man ko shant hone mein kam se kam 5 ya 6 ghanta lag jate hain,

Mansik rogi ko chahiye ki vah apana dhyan doosari baton ki or lagaye, usako yah samajhana chahiye ki man ka rog jaise achanak aata hai vaise hi achanak vichar badalane se chala Bhi jata hai,

yah Thyroid ya hormonal imalances se Bhi  samandhit hota hai, isaliye jab  bhi mausam mein Badalav  aayega, ya achanak mausam badalega tab mansik takalifein Badhati hain, vastvikata yah hai ki isase sharir ko koi nukasan nahin pahunchata, phir Bhi isaka ilaj karana chahiye,

 Allopathy mein mental anxiety ki sedative medicine hain, Ayurveda mein bhi hain aur Homoeopathy mein bhi hain, isake saath man ko koi na koi kaam mein lagaye rakhana chahiye. Bhagawat bhajan kare, ishwar ki aradhana aur sab kuchch usi par chchodkar , positive thinking  ko apanane se rog shant ho jata hai.

Hamare chikitsa kendra mein MANASIK ROGIYON ka ilaj ETG AyurvedScan ki findings ke saath karane se bahut achche parinaam mile hai. ETG findings se yah pata chal jaataa hai ki marij ke NERVOUS SYSTEM, BRAIN, CIRCULATORY SYSTEM, SPINAL CORD aadi aadi tatha andar ke VITAL ORGANS ki kya stithi hai, is sab baton ka vichar karake jab chikitsa karate hai to avashy labh hota hai aur rog dur hota hai.