TRIDOSHA BHED

 Ayurveda  mein Tridosha ko “Aetiological factors” mana jata hai, jabaki Tridosha bhed ko “Pathophysiology” ke samakshsha manatey hai. Pathophysiology se matalab yahan par yah hai , ki sharir ke ang samanya karya kar rahe hain , ya samanya se kam ya adhik kaam kar rahe hain, udaharan ke liye, kisi ka liver samabya se kam kam kar raha hai ya samanya se adhik kaam kar raha hai, ise hi pathophysiology kahatey hai

Tridosha bhed ke bare mein , yadi yah kaha jaye ki . yah Ayurveda ki PATHOPHYSIOLOGY  ya PHYSIOLOGICAL BASIS OF DISEASES ke samkashsha hai, to bahut upayukta hoga. Yah ek aashcharya ki baat hai, ki Ayurveda ke manishiyon ne jis gyan ko hazaron varsha pahale prapta kar liya tha, usi gyan ko prapta aur verify karane ke liye, adhunik vigyan nai takanikon ke sahara lekar dubara phir verify kar raha hai.

Ayurveda ke maharshiyon ne sharir ke ango ki karya pranali ke kam ya adhik kaam karane se parinam swaroop utapann vayadhion ka adhdhyan na jane kitane varshon poorva kar liya tha, bhale hi yah vichar matra raha ho ya us samay ki paristithion aur tatkalin prapta adhunik janakari  ko adharit karake uptodate gyan, lekin ise is liye kharij nahin kiya ja sakata, ki job hi Tridosha bhed mein bataya gaya hai, vah aaj bhi utana satya aur satik hai, jitana vah pahale ya poorva mein raha hoga.

 VAYU KE KARYA

 Vayu ke paanch bhed kahe gaye hain, in vayuon kea lag alag karya hai, jinhein Ayurveda ke maharshiyon ne hazaron vars tak observe karake Ayurveda chikitsa vigyan mein sammilit kiya hai

 Jin panch Vayuon ka varnan kiya gaya hai , ve sab nimna prakar hain

 1-    Udan Vayu

2-    Pran Vayu

3-    Saman Vayu

4-    Apan Vayu

5-    Vyan Vayu

1-Udan Vayu- Yah vayu gale mein stithi hoti hai, isi ki shakti se prani bolata hai aur git gata hai, jab yah vayu kupit hoti hai to gale aur kanth ke rog paida hotey hain

 2- Pran Vayu- Yah Vayu prano ka dharan karati hai air hamesha much mein rahati hai, yah prano ki rakshsha karati hai aur bhojan ko sharir ke ander pravesh karati hai, jab yah kupit hot hai hichaki, tatha shwas aadi rog paida karati hai

 3- Saman Vayu- Yah vayu, amashay aur paqvashaya mein vicharati hain aur jatharagni se milkar anna ko pachati hain aur anna se utapannahuye mal mootra aadi ko alag alag karati hain, jab yah kupit hoti hai tab mandagni, atisaar aur vayugola jaise rogon ko paida karati hai

 4- Apan Vayu- Yah pqavashaya mein rahati hai. Mal mootra, shukra, garbh aur artava, inako nikal kar bahar phenkati hai, yah vayu kupit hokar, mootrashay aur guda ke rog paida karati hai tatha shukra dosha , prameha tatha vyan aura pan ke kop se hone wale rog paida karati hain

 5-Vyan vayu – Yah vayu sare sharir mein vicharati hai, Yah ras, pasina aur khun ko bahati hai, Chalana, niche ko dalana, oopar ko phekana, aankh michana, aura ankh kholana, ye sab kriyayein isi ke aadhin hain, jab yah kupit hoti hai tan sare shari ke rogon ko prakat karati hai

 Jab yah sabhi pancho vayu ek saath kupit ho jati hain tab . yah prani ko mar dalati hai

####################

PITTA KA SWAROOP

Pitta ek tarah ka halka gadha aur patala dravya hai. Yah swabhav se garam bataya gaya hai. Ayurveda batata hai ki aam se mila pitta ka rang nila aam se alag pitta ka rang pila hota hai.  Yah dastavar, charpara, halka, chikana aur tikshshana hota hai. Pak ke samay isak swad khatta ho jata hai

PITTA KE PAANCH PRAKAR

Jis prakar Vayu ke paanch prakar hote hain ,usi prakar Pitta ke bhi paanch prakar hote hain

1.    Pachak pitta

2.    Ranjak Pitta

3.    Sadhak pitta

4.    Alochak pitta

5.    Bhrajak pitta

PANCHO PITTON KE KAAM

 Sabhi Pitton ke kamon ke bare mein Ayurveda ke manishiyon ne bahut gaharayi se adhyyan kiya hai, is addyan se prapta nishkarsh par Pitta ke sthan unake kaam ke bare mein jitana bhi gyan mila , use batane ki chesta ki hai

1-    PACHAK PITTA- Yah amashay aur paquashaya mein rah kar, chchah prakare ke aaharon ko pachata hai aur sheshagni ke bal ko badhata hai tatha ras , mutra, mal prabhrati ko alag alag karata hai. Mukhyataya se vahin stithi hua arthat amashay aur pquashaya mein hi rahkar, apani karyakari shakti se, sharir mein vyapta apane hi angon ko poshit karata hai. Koi koi isi pitta ko Jatharagni ya pachak agni bhi kahatey hain, yah agni hi bhojan ka pachan karati hai,

2-    RANJAK PITTA- Isaka kaama ras ka rakta yani khun banana hai

3-    SADHAK PITTA- Buddhi, medha, aur smaran shakti ko badhata hai. Yah vanchchit manorath ka sadhan karane wala hai

4-    ALOCHAK PITTA-  Isaka  kaam rup graham karana hai, isi ke karan se praniyon ko dikhata hai

5-    BHRAJAK PITTA – Yah pitta kanti karata hai aur  lep, tel ki malish aur snan aadi ki pachata yani sukhata hai

####################

KAPHPHA KE PAANCH PRAKAR

Kappha paanch prakar ka hota hai

• Kledan
• Avalamaban
• Rasan
• Snehan
• Shleshman

KAPHPHA KE RAHANE KE STHAN

Amashay, Hridaya, Kantha, Sir aur sandhi [sharir ke jod], inamein paancho prakar ke kaphpha rahatey hai. Amashay ke kledan,  hridaya mein avalamban, kanth mein rasnsir mein snehan aur sandhiyon mein Shleshman kaphpha rahata hai

KAPHPHA KE KAAM

1-Kledan Kaphha: Anna ko gila karata hai aur apani shakti se kaphpha ke dusare sthano kobhi jal karm dwara shayata deta hai,matalab yah hai ki Kledan kaphpha anna ko bhigots his, isaliye ikaththa hua anna alag alag ho jata hai,kaphpha hriday aadi anya sthano mein jakar, un un sthano mein hridaya ka avalamban karata hai, trik sandharan, ras grahn karata, sampoorna indriyon ko trapta karata aur sandhiyon ko jodane itaydi mein jal karmon se sahayata karata hai

2- Avalamban Kaphpha- Ras yukta virya se hridaya ke bhag ka Avalamban aur trik namak haddi ka sandharan karata hai

3- Rasan Kaphpha – Rasan aur rasana kaphpha- ye dono saumya guna yukta hain, dono paas rahatey hain, is karan rasana jibh aur rasan kaphpha, ye dono rs ko janatey hain

4- Snehan Kaphpha-  Yah chikanai dekar sari indriyon ko  tripta karata hai

5- Shleshman Kaphpha – Sab sandhiyon ya jodon ko achchi tarah jodata hai