MAHANARAYAN TAIL

Is tail ka upayog Aturveda main karatey hain, jinako sandhivaat ho, jodon, ghutaney , manshpeshiyon ka dard ho ve ise prayog karein,

Ise malish na karein, kewal chupad dein aur upar se koi suti kapada Bandha dein  ya lapet dein, sahi tarah ke dardon mein isaka upayog karatey hain

######################################

KASHISHADI TAIL

Is tail ke upayog se Bavasir yani Piles yani Heamorroids aur Bhagandar yani Fistula tatha guda yani Rectum se sambandhit sabhi rogon mein karate hai

Yah tail pakhana aur shauch  karane ke pashchat ungali ki shayata se Guda yani Anus yani Rectum mein bahar aur ander lagana chahiye

################################

JATYADI TAIL

Yah tail niman rogon athava rogon ki stithion mein prayog kiya jata hai

• Sadya vrana yani taza ghav
• Shastra krat vrana yani kisi shastra se jaise chaku ya kisi dhardar chij se sharir ka koi hissa kat jana
• Nadi vran yani Bhagandar ya sinus wounds
• Dust vran yani ve ghav jo jaldi na bharatey hon ya difficult to heal wounds
• Sphot yani bacterial , fungal, parasitic infections
• Nakhkshat yani any problems related to nails
• Dant kshat yani danto masudon ke ghav
• Bidhdha brana yani kisi nukili chij se bane huye ghav
• Dagdha vrana yani aag se jal jane wale ghav
• Khujali  sabhi prakar ki

Yah bahari prayog, yani external application ki dava hai, isaliye ise din mein kai baar pidit sthan par lagana chahiye

#############################

IRMEDADI TAIL

Yah tail Mukh mein hone wale sabhi  rogon mein phyada karata hai, danton se sambandhit sabhi rogon ke liye bhi isaka upayog karatey hain,

Uses: Ek chammach ki matra mein ise mukh mein der tak rakhana chahiye aur jibh tatha hava ke saath saath mukh mein charon or ghumana phirana chahiye, is prakar se din mein do tin bar karane se niche likhi takaliefon mein aram mil jati hai

* Mukh rog

* Talu rog

*Jibh ke rog

* Othon ke rog

* Mukh se badaboo aana

* Danton ka girana

* Danton ka galana

* Danton ka pakana ya danton mein ghav hona ya danton mein mavad pad jana

* Danton mein thanda ya garam pani lagana

* Danton mein kide lagana

* Masudon mein koi growth hona, ya mans ka badha jana

Ek chay chammach tel mukh mein dharan karana chahiye , phir ugal kar thuk dein, kulla turant na karein , balki adhe ghantey baad karein , yah subah aur raat mein sone se pahale karein to achcha hoga

################################

BHRANGRAJ TAIL

Is tail ko sir main bhi lagatey hain aur naak mein bhi dalatey hai yani nasya mein bhi upayog karatey hain

Yah tail Saphed balon ko kala karata hai, baalon ko girane se rokata hai, ganjapan door karata hai aur samast urdhva jatru rogon ko door karata hai yani Gale ya Gardan ke oopar ke jitaney bhi rog hain unako door karata hai, in angon mein jo bhi takaliefein hain unako thik karta hai, jaise kisi ko kharratey aane ki bimari hai, yadi vah vyakti is tail ko nak mein 2 se char boond tak rojana ek baar ya do baar daaley to usakey kharraton mein kami aayigi aur  adhik din tak upayog karane se usaki bimari bhi thik ho jayegi, jinako daant, naak, aankh , sirdard, gardan dard ki shikayat hai, ve is tail ka upayog kareinge to uanki bimari shighrata se aur jad mool samet thik ho jayegi

Yah Ayurveda ka ek utajrasta tail hai

###############################

Ayurved chkitsa vigyaan mein Tail chikitsa ka mahatvapoorna yogadaan hai, hazron ki sankhya mein tail aur unake upayog likhe gaye hain aur inaka chikitsa karyon mein upayog ho raha hai,

Is page mein aise hi upayogi tailon ka varanan kiya jayega , jo sabhi jagah upaldha hain