दिन: जून 29, 2008

Kamar Dard yani Lumber pain


Kamar dard ek aam shikayat hai. Yah sharir ke lumber region mein stithi manshpeshiyon ki ghat rahe lachile pan ke karan hoti hai, main ise bahut saral bhasa mein samajha raha hun. Pith, pet aur kamar ki manspeshiyan is tarah se sahrir ke is hisse ko bandhe rahati hain, ki sir se lekar pair tak jane wali manspeshiyan, ligaments, tendons, ityadi pure sharir ko sidha khada rakahane mein madad karein.

 

Kisi karan se , jab is hisse ki mans peshiyon mein lachila pan kam hokar kadapan aane lagata hai to yah anavashyak khichav ke karan dard karane lagati hai, dusara karan yah hai ki kabhi kabhi ridha ki guriyon ke gap kam hote hain aur vah aapas mein ghisane lagati hain, teesara in kasherukaon mein calcium jamakar inaka aakar bada ho jata hai, isake alawa  mahilaon ke garbhasay se sambandhit koi taklif hoti hai tab bhi kamar dard ki takalifein hoti hain, isake alawa doosari anaya vyadhiyon se bhi kamar ka dard hota hai, jinhe kisi doctor ko dikhakar nidan kara lena chahiye.

 

Ayurveda mein is bimari ke liye bahut achchi prabhavshali aur kargar dawayein hain, jinhe prayog karake shatpratishat labh uthaya ja sakata hai. Jinhein yah takalif  hai, ve kisi yogya vaidya ko dikhakar ilaj kara sakatey hain aur laabh prapta kar sakatey hain.

 

Samanyataya jinhe yah takalif  hai ve niche bataya gaya  kadha banakar labh utha sakatey hain.

 

Dashamool -rasna saptak kwath, yah kadha din mein do baar, subah aur sham, pine se kamar dard ya kati shool thik ho jata hai.

 

Meri salah un logon ke liye hai, jinako kisi Orthopeadic surgeon ne Operation karane ki salah di ho, ve soch samajh kar operation karayein, adhikanshtaya ridha ki haddi ke operation safal nahin hote hain, aur marij ko apani baki bachi jindagi, bistarey par let kar bitani parati hai, yah bahut dardnaak stithi hain, aise marijon ko meri salah hai ki ve Ayurvedic . Homoeopathic , Naturecure-yoga, magnet therapy, physiotherapy  aadi ka combined tratment lein, unhein is tarah ki takalifon se awashya aaram milega. Kisi sidha hast chikitsak Vaidya ki sharan mein jana chahiye.

Advertisements