Heart athava Hridaya Rogon mein Ayurveda aur Homoeopathy aur Prakratik chikitsa ka samanvit ilaj


Cardiac disorders, heart diseases athava hridaya rog mein Homoeopathy. Ayurveda, tatha Prakratik chikitsa ka yadi samanvit upayog kiya jaye, to yah bimari control mein to ho jayegi, aage badhane se bhi ruk jayegi. Maine bahut se rogiyon ko , jinhen bypass surgery karane ke liye kaha gaya tha, unaki chikitsa karake yah nishkarsh nikala. yadi Ayurveda, Homoeopathy aur Prakaratik chikitsa ka samnvit ilaj diya jaye to unaki bimari badhegi nahin , rog ki tibrata ke attacks kam ho jayenge, aur jo kharcha hai , usase bhi bachat hogi. Ek mahila ke , jise Coronary Artery Disease diagnosis huyi thi, unaka kai bar maine swayam Cardiogramm record kiya, jisame abnormality mili, lekin kai saal baad jab usane sthaniya Medical College mein check up karaya to usase kaha gaya ki use koi bhi, hraday rog sambandhi bimari nahin hai. Yahi mahila 10 varsha poorva isi Medical College ke Cardiology vibhag mein apana chek up karane gayi thi , jahan yah bataya gaya tha, ki use “By pass” surgery karana padega. Isi samay vah mere pas chikitsa karane aayi thi, kyonki usake kai rishtedaron ne apana ilaj mujhase kiya tha aur abhi bhi le rahe hain. Mujhe swayam bahut tajjub hua, aur abhi tak vishwas nahin ho raha hai, ki yah sab sambhav kaise hua ?

Hrodaya Roag mein bahut tarah ke  Rog hote hai, main iname se kuchch ko bata raha hun:

Irregular Rhythum: Dil ki dharakan ka ghat jana, phir badha jana, Dil ki ghabarahat, Pulse ka kabhi taz chalana, kabhi dhima chalana , yah sabhi takalifein Ayurvedic aur Homoeopathic tatha Prakratik chikitsa ke samanvit prayog se hamesha ke liye thik ho jati hai

 

Angina: Dil ka dard uthana, yah bhi theek ho jata hai, is bimari ka roop yadi jayada ho to Allopathy ki Dawaon ke saath Ayurvedic aur Homoeopathic dawayein lene se bimari jaldi jaldi nahin hoti. Blood pressure aur manobhav par niyantran rakkhein

 

Rheumatic Heart : Yah bachchon ki bimari hai, Yah bhi theek ho jati hai

 

Ventricular Hypertrophy, Bradycardia, Tachicardia tatha anya bahutse hridaya rogo mein Ayurveda, Homoepathy ka COMBINED TREATMENT safal raha hai.

 

Rog ke ilaj ke darmiyan, ECG, Lipids profile, Blood pressure tatha anya parikshan karate rahana chahiye, isase yah pata chalata rahata hai, ki marz mein kitani kami aayi hai,

WARNING;

JinheinPace maker” lag chuka hai, jinaki “By pass surgery” ho chuki hai, jinhein “artificial valves” lag chuke hon, ve AYURVEDIC TATHA HOMOEOPATHY ka ilaj ya to na karein , ya bahut soch samajh kar kisi experienced Doctors KI DEKH REKH MEIN  lein

8 टिप्पणियाँ

  1. sampurna sarir ki vydhi ko aurveda shastra tridosh aur mansik dosh raj awam tam ke karan uttapan hua manata hai.
    ayurveda ke dwara jo hospital , vaidh, doctor anekanek rog ko sugmta se chikitsa karne ka dawa karte hai sayad wo aam janta ko sirf apna sikar bnanate hai.
    ayurveda CHARAK SANHITA me spast rup se likhit hai…jo vyadhi asadhya sheni me rakhi gayi hai uski chikitsa ka koi bhi vidhan kahi varnit nahi hai..CHARAK ne likha bhi hai asadhya vyadhi ke chikitsak parmatma awam uski aushadhi gangajal ko bataya hai….
    kya ajkal k dotor nayi charak sanhita awm shusurta sanhita ka nirman kiya hai..yadi ayurved a ke siddhant se chikitsa karni hai to unme likhi nirdeso ko tak par rakh kar chiklitsa asmbhav hi mai manta hu..
    ab mai bat karta hu world ke first electro tridosha graphy ki…ye matra ek rogiyo ko fasane ka bhama jal hai..ayurveda ke astawidh chikitsa me nadi parisha ko ek sthan diya gaya hai jissi vaidh vata,pitta,kapha ka awalokan kar sakte hai. naki kisi machine se..ye matra ek nindit chikitsa karam hai….

    1. ………..reply by DrDBBajpai………..Ashutosh Tripathi ji, mujhe aapake aayurved ke gyaan ke bare mein kitani jankari hai, nahi pata hai, main aapaki identity ko bhi nahi janata hun, aap kyaa karate hai, usake bare mein bhi mujhe nahi pata. aapane jitani bhi bate kahi hain , vah koi vaidya ya ayurved ka chikitsak to nahi kah sakata hai. usaki vajah yah hai ki , jo bhi vaidya samaj ka janakar hoga , use vah sabhi bate yaad hai jo aapane kaha hai.

      mujhe is baat ki achchi janakari hai ki sabhi vaidya jab bhi chikitsa karate hai, ve ayurved ke siddhanto ka palan avashya karate hai. main jholachchap ayurved chikitsakon ki baat nahi kar raha hu. AAp shayd kisi jholachchap ke chakkar men pad gaye honge ya koi isi tarah ka vaidya mila hoga , isaliye aapako yah sab lag raha hai ki ayurved ke sabhi chikitsak keval rogiyon ko phasane ka kam kar rahe hai. Main aapse ek sawal puchchata hun, kya aap doctor ke pas jab jate hai to kya vah aapko aapake ghar bulane aata hai ki dava le lijiye? ya koi Vaidya aapake ghar aata hai ki bataiye aapako kis baat ki dava chahiye aur aapke yahan kaun kaun bimar hai ? Ya gali gali , muhalle muhalle Vaidya chillate hai ki “davai le lo , bimari thik kara lo ? ”

      Aisi baten kewal bevakuf log karate hai. aaj ka vaidya samaj CHARAK SAMHITA ko sabse pahale chikitsa kary men sthan deta hai. Apane kaha ki aaj ka doctor nayi charak samhita ka nirman kar raha hai. Apane charak samhita ki koi aisi pustak dekhi? aapako charak ke bare mein kitana gyan hai ? Apane charak ko padha hi nahi hai ?

      ETG takanik to shayad aapane dekhi bhi nahi hogi, usaka parikshan karane ki baat hi chchodiye. Jis takanik ko Bharat ki sarakar ne parikshan kiya ho, use aap rogiyon ko phasane ka tarika bata rahe hai , aap kya pagal hai ya mansik rogi ?
      Pahale Electro Tridosha Graphy ko janiye ki yah adhunik takanik kya hai ? aapane is takanik ke dekha hi nahi hai, samajhana to dur ki baat hai.

      Ninda to aap jaise bhrast budhdhivalon ki karani chahiye jo is tarah ka bhram phailakar pata nahi kin logon ko phayada pahuncha rahe hai ? Mujhe aap apana ata pata bataiye phir main batata hun ki ETG kya chij hai ? Abhi isi chakkar mein ek sajjan ke upar Unnao kachahari mein mukadama chal raha hai, jisamein ETG ke bare mein and band kaha gyaa tha. Court ke chakkar mein ab pade hai to kah rahe hain ki “ETG duniya ki sabase achchi Ayurved ki jaanch pranali hai”.

  2. BAJPAI JI SADAR RAM RAM
    MERE PITAJI JINKI AGE 83 HAI ABHI 15/07/14 KO HEART ATTACK AAYA THE TAB PTA CHALA KI UNKE HEART MAI 60% BLOCKAGE HAI UNKA ILAJ CHAL RHA HAI LEKIN AB UNKI SANS BADNE LAGI HAI ATTACK K PAHLE SMOKING BHI KARTE THE AB NAHI KARTE AUR ABHI UNKO KHANSI CHAL RHI HAI UNKE XRAY MAI LEFT LUNGS MAI INFTIONS HAI PANI JMA HAI SATH HI UNKA PROSTIT KE KARN URIN PROBLEM BHI HAI ABI NALI LGI HUI HAI BARTMAN MAI WO BAHUT KAMJOR HAI ARU UNKA HB 8.7 MG ABHI UNKO CLOPITAB- A 75 PANTOP 40 ASTROVESTIN 40 silofast 8 medicine chal rahi hai kirpa aayurvedik ilaj ke liye kya kiya jaye taki unke blockage dur kiye ja sake aapke intjaar mai

    1. hallo sir,meri mami 62 year ki hai meri mami ko heart ki problam kai salo se hai par ab bahut bad gai hai dil ghabrata hai bahut tej pankhe ki tarha chalta hai ankho k age andhera cha jata hai abhi thode din pahle unki pals bhi kam ho gai thi electric shot diye to theek hui par kabhi bhi ho sakti hai dubara ye problam plz sir koi upay bataye ,apke jawab ka intzar hai sir plllllllzzzzzzz

      ………..reply………..jis shahar me rahate hai vahi ke kisi ayurvedic ayush doctor ko dikhaiye aur ilaj kare isase thik homgi

  3. Sir,
    I request u that plz tell me ,my daughter have whole of heart .she is old of four month.i m worried… so plz plz tell…what do?…

    ………….रेप्ल्य………….aap abhI ayush ilaj karuye

    kbhI kabhI is tarah kI bImaarI aayu baDhane ke saath saath thik hoti hai

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s