दिन: जुलाई 21, 2008

Vata dosha athava Vayu dosha ke prakupit hone ke lakshshan


Jaisa ki sabhi una longo ko pata hai, jinhone Vata dosha ke vishaya mein pahale hi padha ya samajh rakkha hi  ki Ayurved mein kaha gaya yah dosha , kya hai, usase padhane walon ko pata chal gaya hoga.

Ab aiye apako batate hain ki jab Vayu dosha ka prakop sharir mein hota hai, to kaun kaun se lakshan sharir mein paida ho jate hain.

 

Jab Vayu ka sharir mein prakop hota hai, to sare shariri mein ang ang mein aithan , dard, bahut pyas lagana, angmard yani aisa  anubhav ho ki badan tut raha hai, kaath paon ya sharir ka kampana, deh mein is tarah ka sensation lage , jaise ki sharir mein suiyan si chubh rahi hon, is tarah ka sensation jaise koi ang rassi se bandh diya gaya ho aur phir dard kar raha ho, pakhana bahut sakht ho jana, sharir ka rang lal ho jaye, muh ka swad kasaila ho jaye, sans ander lene mein takalif, sharir ka ya sharir ke kisi ang ka sukhane lagana, shool, yani tez dard jo bardasht ke bahar ho, sharir ka ya kisi ang ka sunna ho jana, sharir ka sikudana, aisa lage jaise ki lakava mar gaya hai, ityadi lakshshan mahrshiyon ne Vayu prakop ke kahe hain.

 

Yadi Vayu ka prakop halka hota hai to takalif bhi halki hoti hai, sharir mein thakan lagati hai, pakhana aur peshab kam hote hain, aisa lagata hai jaisa ki ankhon mein nasha sa chadha hua hai, nidra nahin aati, pet fool jata hai, sharir ke jahan jahan jod hote hain, chahe ve chchote jod hon ya bade jod unamein dard hota hai, pitha yani bach yani ridha ki haddi dukhane lagati hai, sir mein dard hota hai. seene ya chchati mein  aur kanapati mein dard hota hai. Isake alawa anya dusare bahut se lakshan hote hain

 

Yah Vayu dosha ke barein mein hazaron varsh pahale manishion ne bataye the. Adhunik Medical science mein yadi in sabaka interpretation karate hain, to yah sab takalifein AUTONOMIC NERVOUS SYSTEM  se talluk rakhati hain. Autonomic nervous system ke alava, LYMPHATIC SYSTEM, Circulatory system, DIGESTIVE aur MUSCULO SKELETAL SYSTEM tatha METABOLISM  ityadi milakar Vata Dosha ka bahut sunder scientific evaluation prastut karate hain. ETG tekanik ki madad se Vata dosha ka bahut satik ankalan kiya ja sakata hai.