दिन: अगस्त 15, 2008

Arogya Wardhini Bati


Yah ayurved vigyan ki ek shrestha gutika hai. Isaka jaisa naam hai, vaisa hi kaam hai.

 

Yah goli/tablets Hepatitis, Liver se sambandhit sabhi tarah ke rog, twacha ke rog, Allergy, White and black spots, khaj , khujali, kale dhabbe, acidity, stomach aur intestine se sambandhit tamam prakar ki takalifein, indigestion, hridya rog, gas banana, koi bhi sharirik takalif ho uasamein isaka prayog kar sakatey hain , yah multidimentional meidicine hai, ise vaidya samaj ke log bahut upayog karate hain.

 

Isaki ek goli subah aur ek sham ko lena chahiye, itana hi kafi hai, subah ya din mein ek goli khane se bhi kam chal jata hai aur oopar bataye gaye rogon mein ya rogon ki stithiyon mein isaka upayog kar sakatey hai.

 

Ise sabhi Ayurvedic dawa banane wale banatey hain aur market mein bahut saralata se upalabdha hai, jinhe koi bhi bimari ho ya jo chahatey hai ki unaka swasthaya sahi rahe, ve ek goli pratidin khayein to unaka arogya bana rahega

Prostate yani Ashthila se sambandhit rog


Prostate ko Ayurveda mein Ashthila kahatey hain. Ise samajhane ke liye bahut si websites hain, jahan jakar isake bare mein gyan prapta kar sakatey hain, main sankchchep mein itana ishara kar raha hun ki yah ganth kewal purushon mein payi jati hai, mahilaon mein yah nahin hoti hai. Mootra nali aur pakhane ke mukam ke bich mein yah hoti hai, aur isaka kaam mahatvapoorna bhi hai.

 

Jab yah apane aakar mein badh jati hai to isase mootra karane mein takalif hoti hai, jaise ki peshab karane mein jalan, peshab ki dhar ka dhima ho jana, peshab ruk jana, peshab ki nali ka chok ho jana, adi adi vikar ho jate hain.

 

Yadyapi yah takalif adhik umra ke logon mein dekhi gayi hai, lekin kam umra ke logon mein bhi kabhi kabhar rogi dekhane mein aa jatey hai.

 

 

Isaka ilaj saral hai aur Ayurvedic aur Homoeopathic dono  chikitsa vidhiyon mein isaka bahut achcha ilaj hai aur yah rog puri tarah se thik ho jata hai. Allopathy mein isaka koi ilaj nahin hai, kewal Surgery hi isaka ek matra upay hai. Lekin Surgery se bachan chahiye. Ayurvedi aur Homoeopathic dono ke sammilit chikitsa se yah rog jad mool se thik ho jata hai. Jinako Prostate ke Cancer ki vajah se takalif ho, ve anubhavi chikitsak ki salah se chikitsa karayein. Isake liye Surgery ka vikalp antim rup se rakkhein, pahali aur doosari awastha ke badhe huye Prostate thik ho jate hain.