महीना: अगस्त 2008

Prostate yani Ashthila se sambandhit rog


Prostate ko Ayurveda mein Ashthila kahatey hain. Ise samajhane ke liye bahut si websites hain, jahan jakar isake bare mein gyan prapta kar sakatey hain, main sankchchep mein itana ishara kar raha hun ki yah ganth kewal purushon mein payi jati hai, mahilaon mein yah nahin hoti hai. Mootra nali aur pakhane ke mukam ke bich mein yah hoti hai, aur isaka kaam mahatvapoorna bhi hai.

 

Jab yah apane aakar mein badh jati hai to isase mootra karane mein takalif hoti hai, jaise ki peshab karane mein jalan, peshab ki dhar ka dhima ho jana, peshab ruk jana, peshab ki nali ka chok ho jana, adi adi vikar ho jate hain.

 

Yadyapi yah takalif adhik umra ke logon mein dekhi gayi hai, lekin kam umra ke logon mein bhi kabhi kabhar rogi dekhane mein aa jatey hai.

 

 

Isaka ilaj saral hai aur Ayurvedic aur Homoeopathic dono  chikitsa vidhiyon mein isaka bahut achcha ilaj hai aur yah rog puri tarah se thik ho jata hai. Allopathy mein isaka koi ilaj nahin hai, kewal Surgery hi isaka ek matra upay hai. Lekin Surgery se bachan chahiye. Ayurvedi aur Homoeopathic dono ke sammilit chikitsa se yah rog jad mool se thik ho jata hai. Jinako Prostate ke Cancer ki vajah se takalif ho, ve anubhavi chikitsak ki salah se chikitsa karayein. Isake liye Surgery ka vikalp antim rup se rakkhein, pahali aur doosari awastha ke badhe huye Prostate thik ho jate hain.

Viral Bukhar yani Viral Infection ho jaye to kya karein ?


Barasat ke dinon mein  Viral infection ho jana ek aam bimari hai. Viral infection jab Liver mein apana sthan banata hai, to yah hepatitis paida kar deta hai, jise aam bolchal ki bhasa mein PILIYA kaha dete hain, jab yahi virus rakta mein milakar TOXIEMIA paida karata hai, to yah thand athava jada dekar malaria bukhar jaise lakshan paida kar deta hai, isake alawa halka bukhar, badan dard adi takalifein paida hoti hain, bhukh bilkul kam ho jati hai, pani pine mein ji michalahat hoti hai, kisi kisi ko ji michalahat athava ultoyan hone ki bhi takalif hoti hai,

 

Lekin in sab takalifon ka ilaj bahut saral hai, is bimari mein behatar hai Homoeopathic athava Ayurvedic dawayein lein, jab jyada bukhar hoto Allopathy ki Paracetamol kha sakatey hain, Antibiotics soch samajh kar khayein, kyonki is baar Viral bukhar bahut halki fulki dawaon se theek ho raha hai.

 

Marij ko aram karana chahiye aur bahut halka khana khana chahiye, jinhein PILIYA ho raha ho ve jyada satrakata baratein, chchote bachhcon ko CROCIN syrup dene se hi aaram mil jtata hai, yah koi fatal takalief nahin hain, Khansi aane par koi bhi syrup de sakate hain, muh ka swad bahut kharab ho jata hai, jo dhire dhire hi theek hota hai,

 

Kulmilakar Viral fever theek hone mein ek haftey se lekar do haftey tak lag jatey hain, jinhein Jaundic ho gayi ho ve, ek mahina aaram karein tabhi unaka kalyan hoga, agar bevajah mehanat karenge to unaki takalif doguna badha jayegi, isaliye jaroori hai ki jitana aaram kareinge utana hi ve phayada uthayeinge.