महीना: सितम्बर 2008

Upavas yani fasting yani vrat ke samay / dinon mein , kya savadhani rakkhein


Ajakal vrat ka mausam chal raha hai, bahut se log vrat ke naam par maal puri aur garista se garista khan pan ajamate hain. Lekin yah thik nahin kaha ja sakata hai,

Upavas ka mahatva isaliye hota hai , ki is din ek manasik ya sharirik sankalpa liya jata hai , jo apane ishwar ke prati samarpit hota hai, unake prati apani astha prakat karane ke liye, upavas karatey hain

Dusara ek aur isaka mahatva hai, vah hai sharir ke pachan sansathan ko vishram dena, taki bachi huyi shakti sharir ke doshon ko pacha sake aur metabolism ki prakriya apane kudarati rastey par chal nikaley, aur jo bhi deviation ho vah sahi ho jaye

Isaliye vrat ya upavas karatey hain

Jab bhi vrat karein, Phal adhik khayein, pani jyada piyein ya liquid diet maje ki piyein, garist bhojan jawan ya mehanat karane wale le sakatey hain, lekin jyada umra wale thoda sambhal kar khayein

Garistha bhojan kha skatey hain, lekin bahut thodi matra mein, kewal swad ke liye kahyein, ya din mein ek baar kha sakatey hain taki khaya huya saralata se pach jaye

Advertisements

Sandhi Kaal Yani Change Of Weather Mein Barati Jane Wali Sawadhaniya


Barsat ka mausam ab antim charan par hai, din mein ab garami aur dhup tatha hava chalane ke karan mausam mein ab kaphi parivartan dekhane ko milenge agale kuchch dinon mein. Yah samay sandhi kal ka hai, yani ek mausam ke samapt hone aur dusare mausam ka agaz yani yah mausam  badalane ki prakriya chal rahi hai. Isaka sabase bada prabhav sharir par mausam ke karan badalane wale prabhav ke phalswaroop stress padane ki prakriya par hai, jise metabolism kahatey hain, Basic Metabolic Rate yani BMR par asar padane se  kai tarah ki sharirik takalifein aa jati hain.

Hamara sharir to apani kudarati speed se kaam karata hai, ise kisi dava ya kisi prakriya se badhaya nahin ja sakata hai, yani sharir ki kisi metabolic prakriya ko kisi bahari jariye se badhaya nahin ja sakata hai, yah prakriya jitani speed se kaam karati hai, yah usaki prakratik speed hai, is eek udaharan se samajha deta hun, ham jitana kahtey hain , vah hamare stomach mein lagabhag teen ghantey tak rahata hai, teen ghantey baad pet khali ho jata hai, yah mandagni ki halat mein dhire ho jati hai, yani teen ghantey se adhik  samay bhi lag jata hai, thik ulata yadi bhasmagni ki stithi ho to yahi bhojan aadh ghantey se lekar ek ghantey me hi pach jata hai, yah dono stithiyan metabolism se sambandhit hain

Badalatey mausam mein sharir ko external temperature, hava mein vyapt humidity yani nami, din ki dhoop ki stithi, pani ki quality aur bhojan ki paristithiyan yah sab prabhavit karati hain, isiliye is trah ke stress se bachane ke liye, din charya aur ratri charya par adhik dhyan den eke liye , Ayurveda ke Maharshiyon ne sujhav diye hain, taki sharir bimar hone se bache.

KYA KARANA CHAHIYE: Is samay badalatey mausam mein, khanpan mein sudhar karein, rat mein sote samay halake kapare pahane, Cooler ka prayog na karein ya Air conditioner ka temperature 25 se 27 degree tak hi rakkhein, taki sote samay sharir ki conditioning ke samay cold ka exposure na ho sake, Vayu badhane wali chijein na khayein, jinhe Blood pressure ho ve jyada satark rahein

KYA NA KAREIN ; Bhojan samay se khayein, charbili chijein na khayein, kyonki bhojan pachane ki shakti is mausam mein kamjor hoti hai, isase pachan sambandhit vikar ho sakatey hain, vayu badhane vale padarth nahin khana chahiye

Is season mein  Pet mein gas banane ki takaliefein, aanto se sambandhit takaliefein jaise Diarrhoea, colitis, flatulence ityadi ho jati hain, charma rog, Asthama , manshpeshiyon ke dard, joints pain ityadi takaliefein jyada hoti hain

Yadi kisi takalief se sharir grast ho jaye to Ayurvedic , Homoeopathic  dava karane se takaliefein thik ho jati hain

 

Pain killers yani Dard Door karane wali davayein in Ayurveda and Homoeopathy


Jaisa ki title ke naam se hi jahir hai ki Ayurveda mein painkillers kya hote hain ya Homoeopathy mein pain killers kya hote hain , jaisa ki Allopathy mein hain ?  Is baare mein thoda sa sabako samajhana hoga. Allopathy ke pain killers, isamein do ray nahin, ki sabase behatar hote hain, aur inaka koi mokabala nahin hai. Dard adhikatar Sirdard, badan dard, pet dard, jodon ke dard, manshpeshion ke dard, haddion ke jodon ke dard aadi aadi hote hain. Kuchch vishesh tarah ke dard hote hain jaise striyon ke masik dharm ke samay hone wale kamar dard ityadi, gurde ka dard, gall bldder ka dard, pancrease ka dard, tilly ka dard, guda ka dard ityadi ityadi. Adhikatar log jab dard hota hai to pain killers kha lete hain, jo bahut common hain , Allopathy ke medical stores se jakar kha lete hain.

Ab yah siddha ho gaya hai ki jyad pain killers khane ya baar baar pain killers khane se sharir ke Vital Parts kharab hote hain. Jaise ki Gurda ka fail hona, Liver ka inflammation aur doosari bimariyan. Ek udaharan deta hun, jab BLOOD PRESSURE HIGH hota hai to bahut se logon ko Sir mein asahaniya  dard hota hai, sochiye kya is stithi mein Pain killers lena chahiye ya Blood pressure kam karane ki dava lena chahiye ?  Agar aap pain killers lete hain to yah khatarnak to hai hi, blood pressure adhik hone se Lakava ya paralysis, ya dimag ki nas phat sakati hai ya brain heamorrhage hone ki sambhavana rahati hai. Isiliye jab Blood pressure kam karane ki aushadhiyan dete hain to sir ka dard kam ho jata hai aur aaram mil jati hai. Yahan sirdard ka karan HIGH BLOOD PRESSURE hai.

Thik yahi baat sharir mein hone wale doosare dardon ke baare mein bhi lagu hoti hai. Dard aise hi nahin hote, isake pichche aapaka sharir  aapako yah  batata hai ki use takalief hai aur ise thik kariye.

Ayurvedic ya Homoeopathic ke pain killers Multi dimentional wale hote hai, inake upayog se jis kisi karan se dard ki samasya paida hoti hai, yah us karan ka ilaj karatey hai aur dard se sthayi laabh dete hain, jaise ki jodon ke dard mein ya kamar ke dard mein DAHMOOLRASNA KADHA KA SEWAN KARATEY HAIN to isake sewan se sharir ke lagabhag sabhi dardon mein aarm mil jati hai, isi prakar Homoeopathy ki MAGNESIA PHOS 3X YA 6X  ka sewan karane se bahut se dard thik ho jate hain.

Lekin dard ki samasya ka sthayi samadhan MOOL ROG ki chikitsa karane se hi sambhav hota hai, vastavikata yah hai ki dard hona kisi doosari bimari ka lakshshan hai, jab mool bimari door hogi to dard bhi permanent thik ho jata hai.

Psoriasis, a curable disease


Jaisa ki isaka nam hai, yah sun kar bimar ghabra jate hain, aur ve sochatey hain ki unako koi bahut bavali takalief ya bimari ho gayi hai , lekin aisa koi ghabarane ya bhaybhit hone ki baat nahin hai, Ayurveda ki kuchch dawayein, Homoeopathy ki kuchch dawayein tatha prakrutik chikitsa ke kuchch sahayog se yah bimari jad se thik ho sakati hai. Ayurveda mein is bimari ka poorna upachar diya gaya hai aur Ayurveda ke granthon mein is bimari ka jikra bhi kiya gaya hai.

Isa bimari mein shuruat ke lakshshan chchoti chchoti phunsion se hote hain, jinhe log samajhatey hain ki khujali ho gayi hai aur isaliye isaki taraf koi vishesh dhyan nahin dete, jab yah badh jaatu hai tabhi dhyan dete hain, yah sampoorna sharir main phailane wali bimari hai, jise ek baar ho jati hai, yah bahut mushkil se jaati hai

Is bimari ka Allopathy mein koi ilaj nahin hai, jo bhi hai vah kewal shamanatk  hai, koi bharosa bhi nahin hota ki yah shamanatk ilaj kab tak phayada karega, adhikansh marijon ko pata hi nahin hai, ki Ayurveda mein isaka sabase behatar ilaj hai, isaliye meri yahi salaha hai, ki jinako PSORIASIS hai, ve Ayurveda ki sharan mein jayein, ve avashya thik honge, lekin isako thik hone mein kuchch samay lagata hai, vishvas ke saath ilaj karein Psoriasis awashya thik hogi

Sciatica yani Gradhrasi yani Kulang Vata yani pair ki badi wali nason ka dard


Kamar se lekar niche paron tak aur kabhi kabhi , kisi kisi ko pair ki unagalion tak jhanjhanahat ke saath bahut tez dard hota hai, is dard ka koi bharosa nahin hota ki kab kisako kis samay hone lage, lekin kisi kisi ko lagatar dard hone tatha kisi ko chalane ke samay tatha kisi ko aaram karate samay dard hone lagata hai aur isake viparit aacgaran karane se aaram mil jata hai yani dard thik ho jata hai, is awastha ko sciatica yani kulang vata bhi kahatey hai

  • Is bimari ki diagnosis mein kuchch sawadhaniyan jaruri hoti hain, kyonki isase milati julati kuchch takaliefein hoti hain ,jisase yah bhram paida ho jata hai ki yah sciatica hai, lekin aisa hota nahin , ve dusari bimariyan hoti hain , lekin unake lakshshan  yani symproms doosare hote hain
  • Lumber spine, ya    saccral spine ya Coccygial spine mein ridha ki haddi badhane, ha ridh ki haddiyon ki guriya ya vertebra mein kisi nas ke dbav ya manshpeshi ke dabav ke karan bhi sciatica jaise lakshan paida ho jatey hain
  • Sciatica isliye kaha jata hai, kyonki Sciatic Nerve mein jab kadapan aa jata hai, ya isaki loch  kam ho jatim hai ya is nas ka koi hissa kathor hone lagata hai ya kada padane lagata hai ya isame kisi vajah se inflammation hone lagata hai ya contraction aur relaxation ki chchamata par asar padata hai
  • Sharir ki banavat mein anatomocally, kuchch parivartan hone lage, chahe ve millimeters mein hi kyon na hon
  • Kaam karane ki paristithion aisi hon , jaise Truck ke drivers, pani se sambandhit kaam karane wale log, jyada der khade rahakar kam karane wale log
  • Kahane ka matalab yah, ki sciatica nerve par koi dabav, inflammation, chot, ya kadapan aa jaye to is tarak ki takaliefein paida ho jati hain

Lekin , isase milati julati takaliefon ki taraf bhi dhyan dena chahiye, kabhi kabhi aur aksar dekha hai ki docotrs, ilaj kar rahe hain sciatica ka lekin unako sciatica hai hi nahin, yah stithiyan, Ridha se sambandhit bimariyon mein, kamar se sambandhit ya nichale pair ki haddiyon se judi huyi koi samasya ho sakati hai, kabhi kabhi khun ya badi bavasir ki vajah se bhi yah takalief jaise lakshan paida ho jate hain aur log yah samajhatey hain ki unako sciatica ho gayi hai

Baharhal, agar sciatica hai, to isaka Milajula ilaj karane se bimari jad se thik ho jati hai, Ayurvedic , Homoeopathic, Nature cure aur Allopathy ke Pain killers ka kuchch samay tak sahara lekar is bimari se hamesha ke liye chchutakara pa sakatey hai, yah 100 pratishat thik hone wali bimari hai

Yadi Spine se judi koi bimari ho, ya kamar ke articulation se judi koi bimari ho, to pahale nidan ya diagnosis karein ki vastav mein takalief kya hai, phir ilaj karayein, to safalata milati hai, kyonki Sciatica ki tarah ke lakshan doctor ko bhram mein daal dete hai, bimari kuchch aur hoti hai aur ilaj kuchch aur

Acne yani Muhase yani Mukh par hone wali chchoti chchoti phunsiyan


Acne, jisase adhikatar nai umra ke ladake aur ladakiyan , jawan striyan ya purush , ye sabhi pareshan rahatey hai, isaliya ki unake chehare ki khubasurati mein kuchch khalal pad jata hai, aur unhein aisa mahasus hota hai ki , unako jitana khubasurat dikhana chahiye, shayad ve utana nahin dikh rahe hain, kyonki uanake chehare ki khubasurati in chchoti chchoti phunsiyon ne bigad kar rakh di hai

Is takalief ke kai karan hain, jisamein sabase pahala yahi hai, ki kishora avastha mein jo bhi hormonal changes hote hain, unaka kuchch prabhav har ek individual ke oopar usaki sensitivity ki intensity ke hisab se kam ya adhik padata hai, anya karanon mein khanpan ki gadabadi, rahan sahan ke tarikon mein badalav ityadi aatey hain , Liver ya anton se sambandhit kuchch takaliefon ke karan bhi yah pareshani paida hoti hai, jo vegetarian hain unake muhase kuchch alag kishma ke nikalatey hain , banspati unake jo non-vegetarian hain

Yah takalief thik ho jati hai, isamein Ayurvedic dawayein jyada phayade mand hain, lekin isake saath saath kuchch parahej khan pan tath anya baton mein rakhana chahiye, Homoeopathy mein kuchch tarah ke muhase thik hotey hain, lekin adhik intensity wale nahin thik ho patey hain, isame Allopathy ki dawayein nahin lena chahiye aue na lagana chahiye, kyonki sabase badi kharabi yah hoti hai, ki chehare mein daag pad jatey hain , jo kabhi kabhi jivan bhar nahin thik hotey hain, is takalief mein koi bahari prayog ki dawayein yani external application ,nahin lagana chahiye, isase chehara bhadda ho sakata hai

Ayurvedic dwayein, khanpaan mein parahej aur din charya aur ratricharya tatha ritu charya ka palan karane se yah bimari bahut shighra thik ho jati hai, yah 100 % curable disease hai

Migrain yani Sirdard yani Headache yani Sir ka dard


Aisa duniya ka koi vyakti nahin hoga, jise kabhi sir dard ki takalief na huyi ho, yah kisi bhi karan se ho sakata hai, lekin jab yah bar bar hone lage, tab ise bimari samajhana chahiye aur isaka ilaj karana chahiye

Sir dard bahut tarah ke hain aur isiliye inake karan bhi bahut se hain

* Menatl tension, adhik dimagi shram, bahut jyada padhayi karana, matalab yah ki dimagi ya brain work jyada aur aawashyakta se adhik karana

* Nak ki Sinusitis, kisi prakar ki growth, Cold, Coryza, Pinas, tatha dusari nak se sambandhit bimariyan

* Cervical spondylitis, gardan ki manspeshiyon mein khichav, sir ki naram manshpeshiyon mein thandak ka lag jana, ya adhik garmi ka lagana, chahare ki manshpeshiyon ka bhi athandak ya  adhik garam se prabhavit hona

* Thande pani se nahana aur sir mein adhik thanda jal dal dal kar nahane ki aadat

* Gale ki kisi bimari jaise laryngitis, pharyngitis

* Kan ki koi bimari

* Dant ki ya taluon ki koi bimari

* Striyon mein masik dharma hone ke pahale, bich mein ya masik ho chukane ke baad,

* Chinta,  Phikra, hamesha tanav mein rahana

* Pet se athava anton se sambandhit bimariyan jaise Kabj, pet saaf na hona, Irritable Bowel syndromes, Inflammatory condition of bowels ityadi

* Sharir mein Bukhar bana rahana, eosinophillia ya pulmonary problems

Yah to kuchch karan hain jisase Sirdard ki takalief hoti hai, ab chikitsak ka kartavya hai, ki vah yah marij ke ander se dhund nikaley ki , kis vajah se preshani ho rahi hai

Lekin inake alava kuchch vichitratarah ke karan mujhe apani practice mein mile, jinhein main batana chahunga,

1- Ek ladaki jisaki umra yahi koi 22 varsh ki thi, kuchch varsh pahale apane sir dard ke ilaj ke liye mere paas ayi thi, usako kai varsha se lagatar sirdard hota rahata tha. kabhi kam ho jata tha , kabhi nahin hota tha, davaon ka asar bhi na ke barabar ho chuka tha, Allopathy ki dawayein kahtey khatey jab yah oob gayi , tab yah mere pas aayi, maine usase tatha usake parivar walon se janane ki koshish ki , ki shayd koi clue mil jaye, sirdard kyon aur kaise , kis samay hota hai, lekin mujhe koi safalata nahin mili, maine usaka upachar karana shuru kiya, lekin koi safalata nahin mili,

Ek din maine usaka Electrotridoshagraphy ETG ka prikshshan  kiya, ETG ke addhyan se mujhe laga ki isako brain mein koi anomalies hai, Brain mein hi  koi gadabadi hai , jisaki vajah se isako sirdard hota hai, yah mera ETG dwara nikala gaya nishkarsh tha, ab kya preshani hai, yah janana jaruri tha, isake liye maine ladaki ke parents ko kaha ki, ek MRI scan karana jaruri hai

MRI scan report dekhakar main bhauchakka rah gaya, is ladaki ke sir mein, dayin taraf  Frontal Lobe ke middle mein, lagabhag 3-4 millimeter ka Calcium Deposit nikala, jise maine “BRAIN CALCULUS” athava “BRAIN KI PATHARI” ka naam diya, yah bada hi rare mamla nikala,

Maine ladaki ke parivar walon se kaha ki , yah mere vash ka mamla nahin hai, behatar hai ise kisi neuro surgeon ko dikha dein

2- Mujhe bahut se aise rogi mile, jo suryoday ke nikalane ke samay se hi sirdard se ghir jatey hain, aur yah sirdard unako , jabtak  suryast na ho jaye, tab tak pareshan karata hai

Aise Rogion ko main pahale ETG parikshan karane ki salah deta hun, kyonki is parikshan se bahut kuchch pata chal jata hai, aur Comprehensive Ilaj karane mein madad milati hai, jisase rogi ko shighra aram milati hai.

Viral Infection se kaise bachein ?


Yah sawal mujhase mere marij aur aam log puchchatey hain, ki Viral Infection se kaise bacha jay ? Main unako jawab deta hun , ki Viral Infection se bachana namumkin hai, kyonki yah ek prakar ka pradushit vatavaran ka Viral hai, jo apane aap ko ek nishchit humidity, ek  temperature par dhal leta hai aur hava ke jariye, dhool mitti ke jariye, pani ke jariye sharir mein pravesh karata hai aur sharir ke ander jakar prati second apani aabadi ko dugana karata rahata hai

Viral infection mein ek vishesh baat yah hai ki yah apani intensity ke anusaar sharir mein vikar paida karega, yadi vyakti ki resistence power shaktishali hai to use halka infection hoga, jinhein kam hai, unako bahut adhik hoga

Doctoron  ke ander passive immunity kudarati taur par develop ho jati hai, is vajah se unako infection ek sima tak kam hota hai, lekin jab yah seema  rekha tut jati hai to Doctors bhi Viral ki chapet mein aa jatey hai, Yah hamesha barasaat ke mausam mein hi hota hai

Isase bachane ka upay yah hai ki , Nimbu [Lemon] ka sewan khane ke saath mein kiya jaye, nimbu ko daal ya sabji ke saath milakar dono samay khana chahiye, nimbu ko pani mein dalkar nahin khayein, kyonki is tarah se khane se , Jodon mein dard aur doosari samasyayein paida ho jayengi, isaliye jab bhi khayein surakshshit tarika yahi hai, ki nimbu shak ya ssabzi ya daal mein milakar khayein

Asthama Bachcho ka yani Sans ki bachchon ki bimari


Bachchon mein Asthama ki bimari, ek naya rup lekar aa gayi hai, vastav mein yah tonsillitis, sinusitis aur spasmodic croup in teen tarah ki bimarion ke ek saath jud jane ke karan “Bachchon ka Asthama” ban gaya hai, aaj se 40 vars se adhik hogya hai mujhe practice karate karate, maine apane dawakhane mein aane wale bachchon, apane doosare doctor sathion tatha anya pratisthit doctors ke yahan kabhi bhi bachchon ke Asthama ke marijon ke bare mein nahi suna nahin dekha, pichchale 8 varshon  se yah sab samane aaya hai, ki bachchon mein bhi Asthama hota hai

 

Baharhal  maine apana adhyayan bata diya hai ki yah teen tarah ki takliefon se milakar ek bimari ban gayi hai , jise  Bachchon ka Asthama naam diya gaya hai, hota yah hai ki bachchon mein shat pratishat Tonsillitis ki takalief payi jati hai, jisase unake gale mein streptococci ya staphilococci ka infection paida hota rahata hai, yah infection sans ke jariye nak aur nasal cavity ko affcted karata hai saath hi, lar ke saath ya khane ke saath saath aanton mein bhi pahunch jata hai, isase hota yah ki aanto ke achche bacteria jo pachan mein madad pahuchatey hai ya sharir ki imunity ko aur rog pratirodhak chchamata ko badhatey hain , unaki sankhya streptococci se kam ho jati hai, phir yah sab khun mein  milakar infection paida karatey hai, jisase Asthama jaise syndromes bachchon mein paida ho jatey hai

 

Allopathy mein is bimary ka koi karagar ilaj nahin hai, sivay inhalers ke, ye inhelars steroids ke hote hain, jinase samay bitane ke saath saath bachchon ki vital power ya jivani shakti affected hoti hai, vikas nahin ho pata hai tatha life bhi kab kya ho jaye, koi kuchch nahin kah sakata

 

Bachchon ke Asthama ke ilaj mein Homoeopathy, Ayurveda mein bahut achchi dawayein hain, isaka ilaj kisi anubhavi aur experienced Vaidya ya Homoeopathic doctors se karana chahiyye,  tatha unaki salah par hi aushadhi vyavastha, parahej aadi ka anusaran karana chahiye,