दिन: अक्टूबर 9, 2008

LEUCORRHOEA Yani Yonimarg se safed ya rakta ya anya prakar ke shrav ka nikalana


Yah mahilaon ki bimary hai aur yah dekha gaya hai ki , is takalief se kam se  kam sabhi mahilayein grasit rahati hain, yah ho sakata hai ki kisi ko jyada ho, kisi ko kam ho, lekin yah bahut kharab bimari samajhi jati hai

Is bimari ke karan mahilaon ko bahut si takaliefein ho jati hai

  • Kamar mein dard rahana
  • Mukh ki aabha ka kam ho jana
  • Swasthay ka lagatar girate jana
  • Sharirik kamjori ka dhire dhire badhatey chala jana
  • Khun ki kami hoti hai
  • Bhojan ka pachan thik nahin hota
  • Bhukh kam lagati hai
  • Pet saaf nahin hota aur kabja bana rahata hai
  • Sirdard ki shikayat bani rahati hai
  • Aisa mahasus hota hai , mano halk halka bukhar sa ho gaya hai
  • Pet mein dard hota hai

Is bimari mein jaisa ki pahale hi kaha ja chukka hai, ki yoni marg se safed aur rakta ki tarah ka shrav nikalata hai, yah kai karano se hota hai, jinamein kuchch mukhya hai

 

  1. Pelvic Inflammatory disease ki stithi ho
  2. Kisi prakar ka yoni marg mein sankraman ho gaya ho
  3. Yoni marg ki thik se safai na rakhi jati ho
  4. Kisi infection yani UTI jaisi bimari se grasit hon
  5. Uterus ki kisi samasya se grasit hon
  6. Mansik tanav ho
  7. Masik dharma mein koi vyutkram paida ho gaya ho

Isake alava aur doosare bhi karan hote hain, jinako pahachankar aur achchi tarah se nidan karake, tab ilaj karana chahiye,

Is bimari mein sabase achcha ilaj Ayurvedic aur Homoeopathic ka milajula ilaj hi behatar hai, dono hi chikitsa vidhiyon se yah bimari thik ho jati hai, lekin kuchch samay lag jata hai, isaliye dhairya poorvak chikitsa karani chahiye, tabhi achche parinaam milatey hain

Yah bimari ke oopar nirdharit hota hai ki vah kitani purani hai, aur usamein kitani pathophysiology ya pathology shamil hai, yadi jyada din ki bimari hai to jyada samay thik hone mein lagega, yadi kam samay ki takalief hai to kam samay mein bimari thik ho jati hai